თუშეთი - ადგილი, რომელიც ყველამ უნდა ნახოს

თუშეთი საქართველოს გამორჩეულად საინტერესო კუთხეა. იგი საქართველოს ჩრდილო-აღმოსავლეთ ნაწილში, აღმოსავლეთ კავკასიონზე, ზღვის დონიდან 1650-4493 მეტრ სიმაღლეზე მდებარეობს. თუშეთის სოფლები ზღვის დონიდან 1900-დან 2400 მეტრ სიმაღლეზეა განთავსებული. ადმინისტრაციული ცენტრი ომალოა. თუშეთში მოხვედრა საქართველოში ყველაზე მაღალი, აბანოს უღელტეხილის გავლითაა შესაძლებელი და ის ზღვის დონიდან 2900 მეტრზე მდებარეობს.

მიუხედავად იმისა, რომ თუშეთისკენ მიმავალი გზა საკმაოდ რთულია და გადაადგილება მხოლოდ მაღალი გამავლობის მქონე ტრანსპორტითაა შესაძლებელი, სამაგიეროდ სტუმრებს თვალწინ ულამაზესი ხედები ეშლება.

თუშეთი გამორჩეულია ულამაზესი ალპური მდელოებითა და საუცხოოდ შემონახული ფიჭვნარი ტყეებით, ტებულოს (ზღვის დონიდან 4492 მ.), დიკლოს (ზღვის დონიდან 4285 მ.) და ბორბალოს (ზღვის დონიდან 3294 მ.) დიდებული მწვერვალებით. თუშეთში ჯერ კიდევ შენარჩუნებულია კულტურული მემკვიდრეობის უნიკალური ძეგლები, უძველესი ნასოფლარები, ხალხური ხელსაქმის ნიმუშები, ყოფითი კულტურის ნივთები. აქ გარემომცველ ისტორიულ-კულტურულ ლანდშაფტებთან ერთად დაცულია ტრადიციები და მოსახლეობის ყოფითი წეს-ჩვეულებები.

დღეს თუშეთში 50–ზე მეტი სოფელი თუ ნასოფლარია შემორჩენილი. მხოლოდ რამოდენიმე მათგანში ცხოვრობს მოსახლეობა მთელი წლის მანძილზე. ეს სოფლებია ომალო (ადმინისტრაციული ცენტრი), შენაქო, დართლო და დიკლო. ბევრია სოფლები რომლებშიც ყოველ წელიწადს ზაფხულში ადის მოსახლეობა: გირევი, ჭეშო, კვავლო, ჭონთიო, დოჭუ, ხისო, ბოჭორმა და ა.შ. ზაფხულის პერიოდში მოსახლეობა რამოდენიმე ასეულს შეადგენს.

თუშეთი მკაცრი კლიმატითაც გამოირჩევა. ივლის-აგვისტოში აქ ტემპერატურა 14-15 გრადუსია. თუშეთში უამრავი პატარ-პატარა ზომის ტბაა. სუბალპურ ზონაში (მდინარე ორწყლის სათავეებში) მყინვარული წარმოშობის ტბებია. არც ერთი მათგანის დიამეტრი არ აღემატება 20 მეტრს. ასეთივე ზომის ტბებია შავიკლდის ხევისა და ვებუს ხევის სათავეებში. კალოანის ხევის სათავეში მდებარე ტბა (მყინვარული წარმოშობით) მთელი წლის განმავლობაში გაყინულია. ჭანჭახოვანის ქედის ჩრდილო ფერდობებზე მდებარე ტბის სიგრძე 12-15 მ-ა, სიგანე — 5-6 მ. ტბა ძალიან ღრმაა. ნასოფლარ ჰეღოსთან გვხვდება გამდინარე ტბა სიგრძით 200 მ.

თუშეთი იდეალური ადგილია მათთვის, ვისაც უყვარს თავგადასავლები, მთა, ბუნება, ტრადიციები და ამ ყველაფრით მიღებული დაუვიწყარი შთაბეჭდილებები.

თუშეთის ტურები იხილეთ ბმულზე

ფლორენცია - იტალიის კულტურული დედაქალაქი

ფლორენცია უმნიშვნელოვანესი ქალაქი იყო შუა საუკუნეებში და რენესანსის ეპოქაში,განსაკუთრებით მისი ხელოვნებით და არქიტექტურით. ქალაქი ხშირად მოიაზრება იტალიური რენესანსის აკვნად.

ქალაქი ფლორენცია მილიონობით ტურისტს მასპინძლობს ყოველწლიურად.ქალაქი  1982 წელს გამოცხადდა მსოფლიოს კულტურულ  მემკვიდრეობად. იგი ცნობილია , როგორც მსოფლიოს ერთ-ერთი ულამაზესი ქალაქი, რომელიც საუკეთესოდ გვინახავს რენესანსულ კულტურას.

ის ასევე მრავალი ისტორიული პიროვნების სამშობლოც იყო. მაგალითად: ბოკაჩო , დანდე , მიქელანჯელო , ბოტიჩელი , ნიკოლო მაკიაველი , გალილეო გალილეი , დონატელო , ეკატერინე მედიჩი , რობერტო კავალი და ა.შ.

ქალაქში უდიდესი და ბრწყინვალე ტაძარია : სანტა - მარია - დელ - ფორე. განსაკუთრებული და გრანდიოზული ტაძარი აღორძინების ხანის საუკეთესო გამოძახილია.არქიტექტურულად საკმაოდ დახვეწილი და ელეგანტურია.

ეს ყველაფერი ძალიან მცირეა იმ სილამაზესთან შედარებით რისი ნახვაც შეგიძლიათ ფლორენციაში. შუა საუკუნეების ათენი , როგორც მას ეძახიან , ცხოვრებაში ერთხელ მაინც უნდა მოინახულოთ.

ბადენ ბადენი - სამხრეთ გერმანიის მშვენება...

ისევე როგორც გერმანიაში , მსოფლიოს სხვა ყველა ქვეყანაში ბადენ - ბადენი ითვლება ერთ-ერთ ყველაზე პუპალარულ საკურორტო ქალაქად. იგი მდებარეობს გერმანიის სამხრეთ დასავლეთით , ბადენ-ვიურტემბერგის მიწაზე,ევროპაში ყველაზე დიდი ტყის მახლობლად.

ქალაქის მცირე ზომის მიუხედავად ,იგი ცნობილია თავისი ღირსშესანიშნაობებით,სპა ცენტრებით , კაზინოებით და თერმული წყლებით.

ბადენ-ბადენის სტუმრებს ძირითადად წარმოადგენენ მაღალ სოციალურ ფენას მიკუთვნებული ტურისტები.მათი მიზანი აზარტულ თამაშებს და სპა ცენტრებში სიარულს წარმოადგენს... ბადენის კაზინოები დაუვიწყარ შთაბეჭდილებას ტოვებს , როგორც მოთამაშეებზე ასევე , უბრალო მნახველებზე.

ტურისტებს შეუძლიათ ისარგებლონ უამრავი ტურით, რომელის დროსაც ისინი გაეცნობიან ველური ბუნების საოცარ თავისებურებებს.

პატარა, მაგრამ ულამაზესი ქალაქის ღირსშესანიშნაობებიდან აღსანიშნავია უძველესი რომაული აბანოები.სამკურნალო , თერმული წყლები და უმაღლესი ხარისხის მომსახურება ,ქალაქის სპა ცენტრების სავიზიტო ბარათია.

“This is Life”  - ამ სახელწოდებით გადაიცემა საქართველოს საიმიჯო რგოლი მსოფლიოს წამყვანი ტელეკომპანიების ეთერში. 30 წამიანი საიმიჯო რგოლი CNN-ისა და Euronews-ის მრავალმილიონიან მაყურებლებს საქართველოს ტურისტულ პოტენციალს აცნობს.
რეკლამა 21 კვირის განმავლობაში იტრიალებს Euronews-ზე. Euronews-ს 400 მილიონიანი აუდიტორია ჰყავს, მაუწყებლობს 14 ენაზე 155 ქვეყანაში.
ტურიზმის ეროვნულმა ადმინისტრაციამ უკვე დაიწყო მომზადება ზაფხულის ტურისტული სეზონისათვის. ამისათვის უკვე დაიწყო აქტიური მარკეტინგული კამპანიები აზერბაიჯანში, , თურქეთში, უკრაინაში, ყაზახეთში, , ბელორუსიაში, ლატვიაში, უნგრეთში, ისრაელში, რუსეთში. ამასთანავე იგეგმება დამატებით მრავალი პრეს და გაცნობითი ტურები წამყვანი საერთაშორისო ჟურნალისტებისა და ტურ-ოპერატორებისათვის.
2015 წელს საზღვარგარეთ ზაფხულის მარკეტინგული კამპანიებისთვის ბოლო წლებთან შედარებით ბევრად მაღალი თანხა, კერძოდ 8 000 000 ლარი დაიხარჯება.

ბულგარეთი და მისი ოქროს ქვიშები

პატარა ძველებური ქალაქები, ეგზოტიკური სანაპიროები, რომანტიული ნახევარკუნძულები და მდინარეები – ეს ბულგარეთია. ბალკანეთის ნახევარკუნძულზე მდებარე ბულგარეთს შავი ზღვა აღმოსავლეთიდან ესაზღვრება. დედაქალაქი სოფია ევროპის ერთ-ერთი უძველესი ქალაქია.

ბულგარეთი ტურისტებს განსაკუთრებით იზიდავს თავისი ცნობილი ოქროს ქვიშებით. შავი ზღვის ულამაზეს სანაპიროებს უამრავი დამსვენებლი სტუმრობს. ბულგარეთის ყველაზე ცნობილი კურორტი, განლაგებულია ქალაქ ვარნას მახლობლად შავი ზღვის სანაპიროზე ნაციონალური პარკის ტერიტორიაზე. ლამაზესი, განიერი, სიგრძეში თითქმის 4 კმ, ხასხასა ოქროსფერი, წვრილი კვარცის სუფთა ქვიშიანი სანაპირო სტუმრების აღფრთოვანებას იწვევს. მათ ბულგარეთში ევროპული დონის ღამის ცხოვრებაც ხიბლავთ. კურორტი ოქროს ქვიშები საუკეთესო ეკოლოგიური პირობების შექმნისთვის დაჯილდოებულია საერთაშორისო ჯილდოთი „ლურჯი დროშა“.

ზღვისა და ოქროს ქვიშების გარდა, ბულგარეთი მიმზიდველია ზამთრის კურორტების მოყვარულებისთვისაც. სამთო-სათხილამურო სპორტის მოყვარულებს ბულგარეთი სთავაზობს ზამთრის კურორტებს – ბოროვეცი, ბანსკო, პამპოროვო.

გაითვალისიწინეთ, რომ ბულგარეთში მოგზაურობისას საქართველოს მოქალაქეებისთვის ვიზა აუცილებელია.

ბულგარეთის ტურები იხილეთ ბმულზე.

ვარშავა - მეორედ აშენებული ქალაქი

ვარშავა, რომლის მოსახლეობაც ამჟამად დაახლოებით 2 მილიონს შეადგენს, მეორე მსოფლიო ომის შემდეგ თითქმის მთლიანად განადგურდა. თუმცა პოლონელებმა შეძლეს, რომ 50-იან წლებში ქალაქი სრულად აღედგინათ ძველი ნახაზების მიხედვით. ქალაქის ისტორიული ცენტრი – ძველი ვარშავა – შესულია იუნესკოს კულტურული მეკვიდრეობის ძეგლთა სიაში და წარმოადგენს ერთადერთ ხელახლა აშენებულ ობიექტს ამ სიაში.

პოლონეთის დედაქალაქი გამოირჩევა უმაღლესი საგანმანათლებლო დაწესებულებების სიმრავლით. ვარშავაში ასეთი 66 დაწესებულებაა, მათ შორის ცნობილი ვარშავის უნივერსიტეტი, ვარშავის ტექნოლოგიური უნივერსიტეტი, და ვარშავის სამედიცინო აკადემია.

რაც შეეხება ქალაქის ღირსშესანიშნაობებს, ვარშავა მათ სიმცირეს ნამდვილად არ განიცდის. ქალაქის გამორჩეული ტურისტული ადგილი ძველი ვარშავაა, რომელიც მდინარე ვისლის გასწვრივ მდებარეობს. აქ ნახავთ უძველეს ეკლესიებსა და თავდაცვით კედლებს. ასევე შეგიძლიათ, მოკირწყლულ ვიწრო ქუჩებსა მოედნებზე ისეირნოთ.

დღეისათვის ქალაქის ყველაზე დიდი ღირსშესანიშნაობა კულტურისა და მეცნიერების სასახლეა, რომელიც პოლონეთში ყველაზე მაღალი შენობაა. მისი მშენებლობა 1952 წელს დაიწყო სტალინის ბრძანებით და 1955-ში დასრულდა. მისი 30-ე სართული ცნობილი ტურისტული დანიშნულების ადგილია.
პოლონეთის ტურები იხილეთ ბმულზე.

ვენა - მდიდარი ისტორიის ქალაქი

ვენა ევროპის ერთ-ერთი ყველაზე დახვეწილი ქალაქია და საკუთარი ხანგრძლივი და მდიდარი ისტორიით დამსახურებულად უჭირავს დასავლეთის ცივილიზაციასა და მსოფლიო კულტურაში განსაკუთრებული ადგილი. მდინარე დუნაის სანაპიროებზე მდებარე ქალაქის მოსახლეობა დაახლოებით 1.6 მილიონს შეადგენს. იყო დრო, როდესაც ვენა მეოთხე ქალაქი იყო ლონდონის, ნიუ იორკისა და პარიზის შემდეგ, რომლის მოსახლეობაც ორ მილიონს ითვლიდა. პირველი მსოფლიო ომის შემდეგ ვენამ თავისი მოსახლეობის თითქმის მეოთხედი დაკარგა. 

ვენის ძველი ცენტრალური ნაწილი, რომელიც ჰაბსბურგების დინასტიამდეც არსებობდა, ასევე შენბრუნის სასახლე, ავსტრიის რესპუბლიკის მოთხოვნით, შეტანილ იქნა იუნესკოს მსოფლიო მემკვიდრეობის სიაში.

ვენის ღირშესანიშნაობები, რაც დღეს ამ ქალაქში უამრავ ტურისტს იზიდავს არის – 100 მუზეუმი, 27 ციხე–სიმაგრე და დაახლოებით 150 სასახლე.

ვენის ერთ-ერთი გამორჩეული ღირსშესანიშნაობები წმინდა სტეფანეს ტაძარი და კარლსრიხის ეკლესიაა. ეს უკანასკნელი მე-18 საუკუნეს ეკუთვნის და სხვადასხვა სტილებისა და ეპოქების არასტანდარტულ ნარევს: ძველბერძნული პორტიკიდან და ძველრომაული თაღებიდან მასიურ გუმბათებამდე.

თუ ექსტრიმის მოყვარული ხართ, ვენაში სტუმრობისას აუცილებლად უნდა ეწვიოთ ვენის პრატერს, სადაც სხვა უამრავ ატრაქციონთან ერთად ნახავათ ეშმაკის ბორბალს, რრომელიც მეოცე საუკუნის 80-იანი წლების ბოლომდე მსგავსი ტიპის ყველაზე მაღალი ნაგებობა იყო.

ავსტრიის ტურები იხილეთ ბმულზე 

სტამბოლი - მოგონებების ქალაქი

სტამბოლში მოგზაურობისას მზად უნდა იყოთ იმისთვის, რომ სხვადასხვა ობიექტების მოსანახულებლად რიგში მოგიწევთ დგომა, რადგან ქალაქში მუდმივად უამრავი ტურისტია. ქალაქში სანახავი მართლაც ბევრია, ამიტომაც წინასწარ უნდა შეარჩიოთ პირველ რიგში რომელ ღირსშესანიშნოაბას უნდა ეწვიოთ.

სტამბოლი ორ ნაწილადაა გაყოფილი – ძველი ქალაქი და თანამედროვე ნაწილი. სანახავი ობიექტების უმრავლესობა სწორედ ძველ ნაწილშია განთავსებული. ერთ-ერთი უმნიშვნელოვანესი ღირსშესანიშნაობა აია სოფიაა – ყოფილი ბიზანტიური მართლმადიდებლური ეკლესია, რომელიც მოგვიანებით მეჩეთად გადაკეთდა ოსმანთა მიერ. 1935 წელს, ათათურქის ბრძანებით, აია სოფია მუზეუმად გამოცხადდა, ხოლო 1985 წლიდან იუნესკოს ძეგლთა დაცვის სიაშია შესული. იგი წარმოადგენს მნიშვნელოვან კულტურულ ძეგლს არა მხოლოდ თურქეთის, არამედ მთელი მსოფლიოს მასშტაბით. იგი პოპულარული ეკლესიის ცენტრში არსებული ძირითადი გუმბათის გამო გახდა.

აია სოფიასთან ახლოსაა განთავსებული ცნობილი ლურჯი მეჩეთი, რომელსაც ასე ლურჯი ფილებით მოპირკეთებული კედლების გამო მოიხსენიებენ. მეჩეთის მშენებლობა 1609-1616 წლებში მიმდინარეობდა, ახმედ პირველის მმართველობის პერიოდში. ისევე როგორც სხვა დანარჩენი მეჩეთების ტერიტორიაზე, აქაც განთავსებულია დამაარსებლის სამარხი, სკოლა და ჰოსპისი. მიუხედავად იმისა, რომ ეს მეჩეთი დღესაც მოქმედია, მაინც წარმოადგენს ტურისტულად აქტიურ ობიექტს, მაგრამ არამორწმუნეთათვის ლოცვის დროს მეჩეთი დახურულია.
სტამბოლში სტუმრობისას აუცილებლად უნდა მოინახულოთ დოლომაბახჩეს და თოფქაფის სასახლეები. დოლმაბაჰჩე თურქეთის ყველაზე დიდი სასახლეა, რომლის ფართობი 45 ათას კვადრატულ მეტრს შეადგენს. იგი პირდაპირ ბოსფორის სანაპიროზეა განთავსებული. შენობა 285 ოთახის, 46 დარბაზის, 6 აბაზანისა და 68 ტუალეტისგან შედგება. თოფკაფის სასახლის მშენებლობა კი სულთანი მეჰმედ II-ის ბრძანებით დაიწყეს 1459 წელს და 1465 წელს დასრულდა. შედგება დაბალსართულიანი რამდენიმე შენობისგან, მათ შორისაა ჰარამხანა, აქვე მოთავსებულია მუზეუმი, სადაც ინახება ოტომანთა დინასტიის საოცარი სიმდიდრე.

ანტალია - თურქეთის პოპულარული კურორტი

ანტალია ზღვის დონიდან 30 მეტრზე მდებარეობს და მისი მოსახლეობა დაახლოებით 1 მილიონს შეადგენს. დღეისათვის ანტალია გაყოფილია ორ — ძველ და ახალ ქალაქად. 2013 წელს ანტალია გახდა მსოფლიოში მესამე ქალაქი უცხოელი ტურისტების რაოდენობის მიხედვით. ტურისტებს განსაკუთრებით იზიდავს ლამაზი პლაჟები, გრძელი ლურჯი სანაპიროები და პალმის ხეების დიდი რაოდენობა. ხმელთაშუა ზღვის ზომიერი კლიმატი ცხელი, მშრალი ზაფხულითა და რბილი ზამთრით ანტალიის ერთ-ერთ პლიუსს წარმოადგენს.


ქალაქი ცნობილია ისტორიული ძეგლებითაც. აქ შეგიძლიათ ნახოთ უძველესი ბერძნულ-რომაული თეატრიც „ასპენდოსი“, სადაც მუდმივად ტარდება სხვადასხვა სახის შოუები, კონცერტები და ფესტივალები. ასევე შეგიძლიათ ესტუმროთ ადგილობრივ მუზეუმებს. ქალაქში რესტორნების გარდა არაერთი მყუდრო ყავახანაა. ანტალიის ძველ ნაწილში შეგიძლიათ შეიძინოთ სხვადასხვა ნივთები, სუვენირები და დააგემოვნოთ ნამდვილი თურქული ნაყინი „დონდურმა“.


თავისი მზარდი ტურისტული პოტენციალით კურორტი დღითიდღე უფრო მეტ ტურისტს იზიდავს მსოფლიოს სხვადასხვა კუთხიდან და მათ დაუვიწყარი შთაბეჭდილებებით ავსებს.


ანტალიის ტურები იხილეთ ბმულზე

ბარსელონა - ესპანეთის მეორე დედაქალაქი

ბარსელონას ტურისტები წელიწადის არცერთ სეზონზე არ აკლია. ყოველწლიურად რამდენიმე მილიონი სტუმრით, ბარსელონა მე-16 ყველაზე მონახულებადი ქალაქია მსოფლიოში და მეოთხე ევროპაში, პარიზის, ლონდონისა და რომის შემდეგ. ბარსელონაში სახელმწიფო ენაა კატალონიური და ესპანური. ვინაიდან ქალაქში ტურიზმი განვითარებულია , ინგლისურ ენაზე ყველა მაღაზიაში და რესტორანში მოგემსახურებიან.
ქალაქი მუზეუმების განსაკუთრებით დიდი რაოდენობით გამოირჩევა, რომლებიც სხვადასხვა ადგილებშია განლაგებული და სხვადასხვა პერიოდებს მიეკუთვნება. თუმცა კატალონიის ხელოვნების ეროვნული მუზეუმი გამორჩეულია. მუზეუმს დახვეწილი რომანული ნიმუშები გამოარჩევს.
ბარსელონას ერთ-ერთ მთავარ ღირსებას წარმოადგენს არქიტექტორ ანტონიო გაუდის ქმნილებები, რომელთა ნახვაც მთელ ქალაქშია შესაძლებელი. მისი საქვეყნოდ განთქმული ნამუშევარია უზარმაზარი, მაგრამ ბოლომდე დაუმთავრებელი ეკლესია — საგრადა ფამილია, რომელიც 1882 წლიდან მშენებარე მდგომარეობაში იმყოფება და დღემდე ფინანსდება კერძო დონორების მიერ. 2007 წლის გათვლებით, მშენებლობა 2026 წელს უნდა დასრულდეს.
ბარსელონაში სტუმრობისას აუცილებლად უნდა მოინახულოთ ევროპაში ყველაზე დიდი სტადიონი – კამპ ნოუ

2014 წელს საქართველოს 5 მილიონზე მეტი ტურისტი ეწვია

2014 წლის განმავლობაში საქართველოს 5 493 492 საერთაშორისო მოგზაური ეწვია, რაც 1,9%-ით აღემატება 2013 წლის ანალოგიური პერიოდის მონაცემს. აქედან: 2 218 050 ტურისტული ვიზიტია, (მატება წინა წლის ანალოგიურ მაჩვენებელთან 7,4%);

2014 წლის მონაცემებით, საქართველოში შემოსული საერთაშორისო მოგზაურების რაოდენობით კვლავ მეზობელი ქვეყნები ლიდერობენ. ასევე, დადებითი ტენდენცია ნარჩუნდება ევროკავშირის ქვეყნებიდან საერთაშორისო მოგზაურების შემოდინების კუთხით. 2014 წლის მონაცემებით კვლავ  ლიდერობენ: ლიტვა, პოლონეთი, ლატვია და დიდი ბრიტანეთი (შესაბამისად 93%, 25%, 25% და 11%), შუა აზიის ქვეყნებიდან – ყაზახეთი (34%), ხოლო აღმოსავლეთ ევროპის ქვეყნებიდან – ბელორუსიის მოქალაქეები 48% მატებით.

2014 წლის დეკემბრის თვეში საქართველოს 433 660 საერთაშორისო მოგზაური ეწვია, რაც 2013 წლის დეკემბრის მაჩვენებელს 10,5 %–ით აღემატება.

2014 წლის დეკემბერშიც ყველაზე მეტი საერთაშორისო მოგზაური კვლავ თურქეთიდან (+2,1%), აზერბაიჯანიდან (+17,2%), სომხეთიდან (+18,6%), რუსეთიდან (+8%) დაფიქსირდა.

2014 წლის პირველი სამი კვარტლის მონაცემებით, შემოსავლებმა საერთაშორისო ტურიზმიდან 1,4 მილიარდი აშშ დოლარი შეადგინა, რაც გასული წლის ანალოგიურ მაჩვენებელს (1,3 მილიარდი აშშ დოლარი) 5%-ით (61 მილიონი აშშ დოლარი) აღემატება.

ტურიზმის ეროვნული ადმინისტრაციის ხელმძღვანელის გიორგი ჩოგოვაძის განცხადებით, საქართველოში საერთაშორისო მოგზაურების რაოდენობის გასაზრდელად აქტივობები გაგრძელდება, მათ შორის ტურიზმის მცირე ინფრასტრუქტურის განვითარება, საქართველოს ცნობადობის ამაღლებს, მარკეტინგული აქტივობების იმპლემენტაცია, როგორც საერთაშორისო, ისე შიდა ბაზრებზე, ტურისტული პროდუქტების განვითარება და სერვისის ხარისხის გასაუმჯობესებლად ტრენინგების ორგანიზება. 2015 წელს საქართველოში დაგეგმილია რამდენიმე საერთაშორისო ღონისძიების, მათ შორის: ევროპის ახალგაზრდული ოლიმპიადის და უეფას სუპერთასის მატჩის ჩატარება. რაც კიდევ უფრო აამაღლებს საქართველოს, როგორც ტურისტული დანიშნულების ადგილის ცნობადობას.

სასტუმროებში გამოყენებული შემოკლებები, რომელთა მნიშვნელობაც უნდა იცოდეთ

მოგზაურობისას საჭიროა იცოდეთ იმ შემოკლებების მნიშვნელობა, რომლებსაც ხშირად შეხვდებით სასტუმროებში. მათი საშუალებით გაგიადვილდებათ სასურველი ნომრისა და მომსახურების არჩევა დამოუკიდებლად.


RO – განთავსება კვების გარეშე

BB – განთავსება + საუზმე

HB – განთავსება + ორჯერადი კვება (საუზმე და ვახშამი, ემირატებში სადილი)

FB – განთავსება + სამჯერადი კვება

AI (All Inclusive)- განთავსება და კვება მთელი დღის განმავლობაში, შვედური მაგიდა, ადგილობრივი წარმოების სასმელები

UAL – განთავსება და კვება მთელი დღის განმავლობაში, შვედური მაგიდა, ადგილობრივი და იმპორტული სასმელები

TWIN – ორადგილიანი ოთახი ორი განცალკევებული საწოლით

Kingsize Room – ორადგილიანი ოთახი ერთი დიდი საწოლით

DBL – ორადგილიანი ოთახი

DUS – ორადგილიანი ოთახი ერთი ადამიანისთვის

SGL – ერთადგილიანი ოთახი

TRPL – სამადგილიანი ოთახი

EB – დამატებითი საწოლი (დივანი, გასაშლელი საწოლი)

SC (Self-Service) – თვითმომსახურება

STD – სტანდარტული

SV – ოთახი ზღვის ხედით

SSV – ოთახი ზღვაზე გვერდული ხედით

MV – ოთახი მთის ხედით

PV – ოთახი აუზის ხედით

GV – ოთახი ბაღის ხედით

ROH – სასტუმროში განთავსება ოთახის ტიპისა და ხედის წინასწარი დაზუსტების გარეშე

Superior – სტანდარტულზე უფრო დიდი ოთახი

Connected rooms – ერთმანეთის გვერდით მდებარე ოთახები გამავალი კარით

Family room – საოჯახო ტიპის ნომერი, სტანდარტულზე დიდი, როგორც წესი შედგება ორი ოთახისგან, რომელთაგან ერთი საძინებელია და მეორე მისაღები გასაშლელი დივნით.

Junior suite – დიდი ზომის და გაუმჯობესებული ორადგილიანი / ერთადგილიანი ერთოთახიანი ნომერი

De luxe – შედარებით ძვირფასად მოწყობილი ნომერი.

Executive suite – ნომერი დამატებითი კომფორტით შემდგარი ორი ან რამდენიმე ოთახისგან

Honeymoon room – ოთახი ახალდაქორწინებულთათვის

Duplex – ორსართულიანი ნომერი

President, Royal Suite – ყველაზე მაღალი კლასის ნომერი, რამდენიმე საძინებლით, კაბინეტით, რამდენიმე სააბაზანო ოთახით.

Balcony – ოთახი აივნით

Executive floor – სასტუმროში ერთი ან რამდენიმე სართული არასტანდარტული ნომრებით, გამორჩეულად მაღალი ხარისხის მომსახურებით და უფასო სერვისების ფართო არჩევანით.

MB – სასტუმროს მთავარი კორპუსი

HV – სასტუმრო რომელიც შედგება კოტეჯებისგან, ბუნგალოებისგან

BGL, BGLW – ბუნგალო; ერთი ან ორსართულიანი შენობა, ხშირად შედგება რამდენიმე ნომრისგან.

Chalet – მიშენება მთავარ კორპუსზე

Villa – განცალკევებულად მდგარი ვილა, გათვლილი ერთ ოჯახზე, მაღალი ხარისხის მომსახურებით.